25 июнь #егерменсе гимназия үҙенең ҡарлуғастарын - 11 класс уҡыусыларын - ҙур тормош юлына оҙатты. Береһенән-береһе һылыу ҡыҙҙар, ҡыйыу ҡарашлы егеттәр белем тураһында үҙҙәренең беренсе танытмаһы - аттестатын ҡулына алды. Атай-әсәйҙәренән, класс етәкселәренән өгөт-нәсихәттәр алып, кәңәштәрен тыңлап, уҡыусылар Һуңғы мәктәп вальсына баҫты. Ҡыҙҙар-егеттәр, барығыҙға ла бейек үрҙәр, уңыштар, уҡыясаҡ уҡыу йорттарында ла шундай уҡ алсаҡ йөҙлө, ихлас ҡыҙ-малайҙар булып ҡалығыҙ!